Siglir tar il cuntegn

Header

cuntegn

Naziunal/Internaziunal Alex Miescher sa retira per immediat

Il secretari general da la Federaziun svizra da ballape Alex Miescher aveva irrità cun si’idea d’ina squadra naziunala senza burgais dubels.

Alex Miescher haja dumandà al president central da la federaziun Peter Gilliéron da dispensar el da ses uffizi, communitgescha la Federaziun svizra da ballape. Suenter il campiunadi mundial da ballape en Russia era Alex Miescher vegnì crititgà fermamain. El aveva manegià che la Svizra stoppia sa dumandar, sch’ella veglia en il futur anc burgais dubels en la squadra naziunala. Quai avev'el ditg al «Tages-Anzeiger».

Las ultimas emnas cun malchapientschas e sbagls en la communicaziun turblian in pau ses adia, declera Alex Miescher en la communicaziun. El è stà ils davos nov onns secretari general da la Federaziun svizra da ballape.

RR novitads 16:00

Artitgels legids il pli savens