Siglir tar il cuntegn
Inhalt

Naziunal/Internaziunal Al FCZ gartegia il nov cumenzament

6 dis suenter ch’il trenader dal club da ballape da Turitg ha stuì rumir ses plaz, ha il FCZ realisà si’emprima victoria da la stagiun.

Danijel Aleksic dal FC Son Gagl è sut pressiun dal Turitgais Berat Djimsiti.
Legenda: Danijel Aleksic dal FC Son Gagl è sut pressiun dal Turitgais Berat Djimsiti. Keystone

La squadra sut il nov trenader Massimo Rizzi ha battì il FC Son Gagl cun 2:0. Curt avant pausa aveva Buff sajettà Turitg en avantatg. Suenter che Gavranovic aveva manchentà da sajettar il 2:0 cun in penalti, ha Di Gregorio fatg il segund gol per il FCZ pir en il temp supplementar dal gieu.

Young Boys cun emprima victoria

YB gudogna il derby cunter Thun cun 3:1. Quai è stà l’emprim gieu senza il trenader Uli Forte, mirà da la squadra ha l’assistent Harald Gämperle.
Fin curt avant la pausa eri anc pari 1:1, lura ha Milan Gajic sajettà il segund gol per YB. En la segunda mesadad han ils Young Boys controllà il gieu. En la 84avla minuta ha Haris Tabakovic alura finì in conter cun il 3:1 final.

En il terz gieu da la dumengia han il FC Sion e Vaduz giugà parì 1:1.

RR Novitads 16:00