Adrian Théaux ha gudagnà cun in avantatg da 1,04 secundas sin l’Austriac Hannes Reichelt. Terz cun in retard dad 1,15 secundas è vegnì il Franzos David Poisson. Manchentà il podest per be 7 tschientavels ha il grond favurit, il Talian Christof Innerhofer. El è dentant collidà gia baud cun ina porta e runà quella durant bun 30 secundas da pista giu. Malgrà quest incap ha Innerhofer mussà ina cursa excellenta.
Sin ils plazs 5 e 6 suondan ils dus Austriacs Romed Baumann e Vincent Kriechmayr e sin il 7avel plaz il Norvegiais Aksel Svindal.
Gisin e Janka sut ils top 15
Duas prestaziun solidas han er il dus Svizzers Carlo Janka e Marc Gisin mussà. Omadus han pudì far in passa enavant en cumparegliaziun cun ils trenament. Gisin è vegnì 11avel cun in retard da 1,76 secundas, Janka è vegnì 12avel cun in retard da 1,91 secundas.
Kryenbühl tar debut 25avel
Urs Kryenbühl, oriund dal chantun Sviz, cuntanscha tar ses debut en la cuppa mundiala il plaz 25. El perda 2,77 secundas sin il victur Adrien Théaux. Manchentà in plaz sut ils top 30 han ils dus Svizzers Nils Mani e Niels Hintermann che termineschan la cursa rapida da Santa Caterina communablamain sin il plaz 31 cun in retard da passa 3 secundas. Fernando Schmed vegn 41avel e Ralph Weber 45avel.
RR novitads 14.00