La basa per sia 94avla victoria en la cuppa mundiala da biatlon ha Ole Einar Björndalen mess en il stan da sajettar. Il Norvegiais è stà be in da dus biatlets ch’ha tutgà tut las 20 schibas. A la fin è il biatlet da 41 onns stà 27 segundas pli spert che Simon Schempp. Il grond favurit franzos Martin Fourcade ha stuì sa cuntentar cun il plaz 21.
Svizzers senza schanza
Ina terrada hai dà per ils biatlets svizzers. Il leader Benjamin Weger è vegnì sulet 40avel ed ha uschia gudagnà sulet 1 puncts da la cuppa mundiala. Il meglier dal quartet svizzer è dentant stà Serafin Wiestner. Il biatlet da Trin ha terminà la cursa sco 38avel. Tant Wiestner sco er Weger han fatg trais sbagls da sajettar. Il Grischun è dentant stà in zic pli spert da currer. Plinavant è Jeremy Finello vegnì 52avel ed Ivan Joller 72avel.
RR actualitad 06.00