Siglir tar il cuntegn
cuntegn

Naziunal/Internaziunal 6avla pole en seria per Nico Rosberg

Nico Rosberg parta per la 6avla giada en seria da la pole position ad ina cursa da furmla 1. Igl è il Grond premi dad Abu Dhabi, il davos da la stagiun. Rosberg cun ses Mercedes è stà 0,377 secundas pli spert che ses collega d'equipa Lewis Hamilton.

Nico Rosberg è stà il spert da la qualificaziun da l’ultima cursa da la stagiun.
Legenda: Nico Rosberg è stà il spert da la qualificaziun da l’ultima cursa da la stagiun. Keystone

Il vegl e nov campiun mundial ha pia danovamain manchentà sia 50avla pole position. Sco terz parta il pilot da Ferrari, Kimi Räikkönen. Ses collega d'equipa, Sebastian Vettel parta damaun mo dal 16avel plaz. Ses Ferrari ha gì gia a l'entschatta da la qualificaziun in defect.

Pilots da Sauber a la cua

Duas posiziuns avant Vettel parta Felipe Nasr cun il Sauber. Ses collega d'equipa, Marcus Ericsson ha medemamain gì da sbatter cun problems tecnics e parta da la 18avla posiziun. Il Grond premi dad Abu Dhabi è damaun dumengia suentermezdi a las 14:00 temp svizzer.