Siglir tar il cuntegn

Header

cuntegn

Naziunal/Internaziunal 5avel rang per Cologna a Lahti

Dario Cologna è vegnì 5avel en la cursa da la cuppa mundiala sur 15 kilometers stil classic a Lahti en Finnlanda. El ha gì in retard da 9,7 secundas sin il victur Francesco De Fabiani da l’Italia.

Segund è il casac Alexej Poltoranin cun in retard da var 3 secundas. Per De Fabiani è quai l’emprima victoria en la cuppa mundiala.

Il dominatur dal campiunadi mundial Petter Northug è vegnì setavel ed il leader da la cuppa mundiala Martin Johnsrud Sundby è vegnì dieschavel.

Cologna ha engrondì avantatg

Cologna ha mussà ina buna cursa sin la naiv bletscha. Sin il davos tschancun ha el dentant pers terren ed ha terminà la cursa sco 5avel. Suenter dus plaz sin il podest è quai ses terz meglier resultat da quest enviern en la cursa da 15 kilometers stil classic. Cun il 5avel plaz ha Cologna pudì engrondir ses avantatg en il classament general da la cuppa mundiala sur distanza.

RR novitads 12:00

Artitgels legids il pli savens