Siglir tar il cuntegn

Header

cuntegn

Naziunal/Internaziunal 400 meters obstachels: Bronz per Lea Sprunger

La curridra Lea Sprunger gudogna la 5avla medaglia per la Svizra als campiunadis europeics da l'atletica leva ad Amsterdam.

Sur 400 meters obstachels surpassa Sprunger sin ils davos meters anc la Taliana Ayomide Folorunso e gudogna uschia la medaglia da bronz. Cun in temp da 55,41 secundas è la Vadaisa stada radund ina mesa secunda sur ses agen meglier temp da quest onn.

La medaglia d'aur va a la Danaisa Sara Slott Petersen (55,12). Sin il segund plaz suonda la Polaca Joanna Linkiewicz.

Staffettas svizras manchentan il podest

Sur 4 giadas 100 meters perda la staffetta da las dunnas pli ch’ina mesa secunda sin la plazza 3. Ajla Del Ponte, Sarah Atcho, Ellen Sprunger e Salomé Kora sa classeschan sco 5avlas. Ina clera victoria datti per las Ollandaisas, cun in nov record naziunal.

La staffetta dals umens cun Pascal Mancini, Amaru Schenkel, Suganthan Somasundaram e Alex Wilson cuntanschan sur 4 giadas 100 meters la plazza 7. Aur gudogna la staffetta britannica.

Sur 3’000 meters steeple curra la Svizra Fabienne Schlumpf sin plazza 5. Campiunessa europeica daventa la Tudestga Gesa-Felicitas Krause.

RR novitads 18:00/20:00

Artitgels legids il pli savens