3. victoria d'etappa per Martin Johnsrud Sundby

Il Norvegiais Martin Johnsrud Sundby ha gudagnà era la penultima etappa dal Tour de Ski. Dario Cologna è sa blessà in muscul ed è daventà 40avel.

sundby

Legenda da maletgs: Suenter la terza etappa gudagnada stuess capitar bler en il final che Martin Johsnrud Sundby na gudogna betg il Tour... Keystone

L'emprim dal classament general dal Tour de Ski, il Norvegiais Martin Johnsrud Sundby, ha gudagnà la cursa da 15 km stil classic en la Val di Fiemme. Quai avant ses cumpatriot ed il Casa Alexej Poltoranin.

dario cologna cumbatta cun stauschs dubels

Legenda da maletgs: Suenter la blessura ha Dario Cologna cumbattì vinavant, è però vegnì a l'arrivada mo cun stauschs dubels e daventà 40... SRF

Dario Cologna era ditg tar ils pli svelts. Fin tar il km 10 manava el ensemen cun il victur Sundby. Lura ha ina ferida musculara en il ventrigl sanester franà el. El è però cuntanschì l'arriv ed è daventà 40avel. Meglier Svizzer è Jonas Baumann sin plazza 16.

Cler è entant che Dario Cologna na parta betg al final da la dumengia cun l'ascensiun a l'Alpe Cermis.

En il classament general dal Tour de Ski maina Martin Johnsrud Sundby radund 3 minutas avant ses cumpatriot Petter Northug.

RR novitads 16:00