3 Svizras e 3 Svizzers en ils quartfinals dal sprint a Tavau

Trais Svizzers èn sa qualifitgads per ils quartfinals dal sprint da passlung liber a Tavau. Roman Schaad, Gianluca Cologna e Jovian Hediger. Manchentà mo per nair da l'ungla la runda da k.o. dals 30 megliers ha Dario Cologna.

A Tavau na cuntanscha Dario Cologna puspè betg ils finals dal sprint da la cuppa mundiala. A Cologna han mancà sulettamain 35 tschientavels. El è dentant stà pli sperts ch'il victur dad ier Martin Johnsrud Sundby da la Norvegia.

Era 3 Svizras èn sa qualifitgadas per ils quartfinals a Tavau. Sper l'indigena Laurien van der Graaff era Nadine Fähndrich e Heidi Widmer. Ils quartfinals da Tavau Nordic cumenzan a las endisch. Il Radio Rumantsch rapporta live.

RR novitads 10:00