Siglir tar il cuntegn

Header

cuntegn

Naziunal/Internaziunal 2 Svizzers en la NBA

En la proxima stagiun da l'NBA, la liga da basket da l'America dal Nord, èn probablamain dus Svizzers regularmain da la partida. Clint Capela dals Houston Rockets mussa en la preparaziun sin la nova stagiun prestaziuns persvadentas e vegn ad avair ina plazza fixa en la squadra principala.

Per l'auter Svizzer, Thabo Sefolosha cumenza gia la 10avla stagiun en l'NBA. El gioga en la squadra dals Atlanta Hawks.

Sefolosha fa plant

Thabo Sefolosha ha inoltrà in plant civil cunter la citad da New York e la polizia da New York. Quai ha el confermà a l'emettur da televisiun american ESPN.

«Jau n'hai betg idea, tge donns ch'jau hai en 2, 5 u 10 onns» ha argumentà Sefolosha sia decisiun d'accusar la citad da New York e pretender fin a 50 milliuns dollars indemnisaziun. - Il Svizzer era vegnì arrestà primavaira passada da la polizia a Manhattan. Da quest’acziun avev’el rut l'oss dal ventrigl.

RR novitads 12:00

Artitgels legids il pli savens