Siglir tar il cuntegn
cuntegn

Naziunal/Internaziunal 10avla victoria per Hirscher

L'Austriac Marcel Hirscher dominescha ina giada dapli la concurrenza al slalom gigant da la cuppa mundiala a Garmisch. El cuntanscha sia 10avla victoria da la stagiun.

Skiunz austriac.
Legenda: Dominescha la concurrenza: L'Austriac Marcel Hirscher. Keystone

Il Podest

  • 1. Marcel Hirscher (Ö) 2:40,18
  • 2. Manuel Feller (Ö) + 1,57
  • 3. Ted Ligety (USA) + 1,69

L'Austriac Marcel Hirscher ha gudagnà il slalom gigant a Garmisch a moda suverana. I sa tracta da la quarta victoria en il tschintgavel slalom gigant da la stagiun. Hirscher dominescha actualmain las disciplinas tecnicas. Da 13 cursas (slalom e slalom gigant) ha Hirscher gudagnà questa stagiun 10 cursas. I sa tracta da la 55avla victoria da la carriera en la cuppa mundiala.

Ils Svizzers

  • 10. Loïc Meillard + 2,55
  • 13. Justin Murisier + 2,85
  • 23. Elia Zurbriggen + 3,52

Betg propi persvas n'han ils skiunzs svizzers. Loïc Meillard era suenter l'emprim percurs anc tschintgavel, la finala ha el stuì sa cuntentar cun il 10avel plaz. Ils ulteriurs Svizzers han manchentà ils Top 10.

L'ulteriur program

Avant ils gieus olimpics en la Corea dal Sid han las skiunzas be pli ina cursa sin il program. Ils 30 da schaner è la cursa parallela a Stockholm en Svezia.

RR novitads 15:00