Il Serb che veva gudagnà ils davos quatter turniers da grand slam en seria ha pers encunter l’American Sam Querrey, il numer 41 dal mund, en quatter sets cun 6:7 (6:8), 1:6, 6:3 e 6:7 (5:7). Il gieu era vegnì interruts il venderdi saira pervi da la plievgia.
Dapi che Novak Djokovic veva pers il final dal French Open a Paris il 2015 encunter Stan Wawrinka ha il Serb gudagnà 30 gieus en seria a turniers da major. Suenter ch’il turnier è a fin per Djokovic creschan uschia er las schanzas per Roger Federer da triumfar in’ulteriura gia a Wimbledon.
RR novitads 20:00