Ambri batta Tavau cun 2:1 ed il HCD è uschia definitavamain en ils preplayoffs ensemen cun Berna ed ils Lakers. Per il club da hockey da Tavau è quai stà l'ultima partida da qualificaziun. En ils preplayoffs fruntan ils Grischuns davent da mesemna sin il SC Berna. Per Ambri è quai stà la segunda davosa partida en il stadion «Pista la Valascia» (construì il 1959 e renovà il 1979). Il club da tradiziun dal Tessin survegn in stadion nov.
Bienna sposta la decisiun
En la penultima runda da qualificaziun dal campiunadi svizzer dal hockey sin glatsch n'è l'ultima decisiun anc betg crudada, er perquai che Bienna fa tar Genevra en las ultimas duas minutas e mez ord in 0:1 in 5:1. Er ils ZSC Lions mantegnan la tensiun. Els han pers cunter Losanna cun 0:2 e dovran uss en l'ultim gieu cunter Langnau almain in punct u ston sperar che Bienna e Servette perdan puncts.
Directamain èn ils quartfinals dals playoffs èn fin ussa Zug, Lugano, Losanna e Friburg.
