Kari Ritter è mort suenter curta e greva malsogna en la vegliadetgna da 67 onns. Quai scriva sia famiglia en in’annunzia da mort. Ritter è stà engaschà durant decennis sco funcziunari sin stgalim local, chantunal e naziunal en numerus comités d’organisaziun ed en spezial en il ressort da medias e communicaziun. Tranter auter è Kari Ritter stà en ils comités d’organisaziun da diversas festas federalas da lutga, per exempel era en quella dal 1995 a Cuira. Per ses engaschi è el vegni onurà sco commember d’onur da la Federaziun da lutga federala, da quella da la Svizra dal nordost, da la chantunala sco era dal Club da lutga da Cuira.
RR novitads 10:00