Siglir tar il cuntegn

Header

cuntegn

Lutga Festa da lutga NOS a Tavau

A Tavau han cumbattì la dumengia var 168 lutgaders per il titel dal meglier lutgader da la Svizra dal Nordost. Il defensur dal titel Armon Orlik ha dà ses comeback suenter ina pausa da sis emnas pervia d'ina blessura.

168 lutgaders han cumbatì la dumengia a Tavau per il titel dal meglier lutgader da la Svizra dal Nordost. Il defensur dal titel, Armon Orlik L’entschatta matg era Orlik sa blessà vid la tatona a la festa chantunala da l’Argovia a Brugg.

Ils ulteriurs lutgaders grischuns ils pli rutinads èn Ursin Battaglia, Roman Hochholdinger, Sandro Sprecher e Sandro Schlegel. Sper ils rutinads ha il trenader Grischun Reto Attenhofer era nominà intgins lutgaders pli giuvens sco per exempel Mauro Gartmann da Präz. Avant curt aveva Gartmann gudagnà ses emprim cranz a la festa glarunaisa-grischuna a Niederurnen.

168 lutgaders a Tavau

Al NOS han duellà lutgaders da las federaziuns chantunalas dal Grischun, Glaruna, Appenzell, Schaffusa, Son Gagl, Turgovia e Turitg. Tranter ils 168 lutgaders sa chatta l’entira elita da la Federaziun dal Nordost da la Svizra. Vitiers èn sa preschentads a Tavau er otg giasts, lutgaders envidads d’ulteriuras federaziuns. Quai èn:

  • ISV: Marcel Mathis, René Suppiger
  • BKSV: Simon Anderegg, Thomas Sempach
  • NWSV: Yannick Klausner, Stephan Studinger
  • ARLS: Victor Cardinaux, Marc Cottofrey

L’emprima giada en ina halla

La festa da lutga NOS è suenter tschintg onns puspè ina giada stada en il Grischun. E per l’emprima giada insumma ha giu lieu la lutga dal Nordost da la Svizra en ina halla, quai en il stadion da hockey dal HCD a Tavau.

Il Radio Rumantsch ha rapportà durant l’entir di da la festa da lutga a Tavau – surtut era en ils Sportissimos da la dumengia da mezdi suenter las 12:00 e la saira suenter las 17:00.

Impressiuns e maletgs da la festa NOS èn da vesair sin www.rtr.ch sco era sin la pagina da Facebook dad RTR.

Artitgels legids il pli savens