Siglir tar il cuntegn

Header

cuntegn

Lutga Festa da lutga federala dals juniors a Landquart

Sco tar l’elita datti dapi l’onn 2006 mintga trais onns er ina festa da lutga per ils juniors. Lura cumbattan ils megliers tschuncanta giuvens da 15, da 16 e da 17 onns per il titel dal retg da lutga da juniors.

Dapi l'onn 2006 datti la tradiziun da festas da lutga federalas er tar ils juniors. Lura lutgan ils megliers tschuncanta giuvens en la vegliadetgna da 15, 16 e 17 onns per il titel dal retg da lutga da juniors. Kilian Wenger, il retg da lutga da Frauenfeld 2010 è stà in dals emprims retgs era tar ils juniors. Ed era ils giuvens Samuel Giger u Remo Käser han gia gudagnà quest titel.

En exact in onn ha lieu la proxima festa federala da juniors a Landquart. Cun ina tala festa, nua che ils organisaturs spetgan 5000 visitaders vulan ins mussar las valurs dal sport da lutga a la giuventetgna. Uffants dessan vegnir en contact cun quest sport da tradiziun e cumenzar a far quest sport.

audio
Mezdi: Lutga – festa da juniors a Landquart
ord Actualitad dals 29.08.2017.
laschar ir. Durada: 3 minutas 2 Secundas.

Igl è numnadamain da cumenzar baud per avanzar fin a la testa. Ils megliers exempels grischuns per ina gronda carriera da lutgader èn ils frars Armon e Curdin Orlik. Omadus eran gia sco juniors tranter ils megliers da lur annada.

RR actualitad 11:00

Artitgels legids il pli savens