Siglir tar il cuntegn
Inhalt

Lutga Er Samuel Giger na fa betg part a l'Unspunnen

Cun Giger na po in ulteriur cunfavurit betg far part da la festa da lutga da l'Unspunnen ad Interlaken.

Purtret da Samuel Giger
Legenda: Samuel Giger a la festa da Schwägalp. Keystone

Samuel Giger è sa blessà vid la spatla e sto uss desister definitivamain da la festa ch'è mo mintga sis onns. Per il giuven da 19 onns è quai ina greva frida. En la rangaziun da la stagiun era Giger sin la segunda plazza.

Segund è il lutgader da la Turgovia era stà l’onn passà a la festa federala ad Estavayer-le-Lac, quai davos Matthias Glarner. Il retg da la lutga actual è medemamain blessà, e manchenta perquai era la festa da l'Unspunnen.

RR novitads 10:00