Siglir tar il cuntegn
Inhalt

Lutga Blers e bels premis per la festa da lutga a S-chanf

La valur dals premis a la festa da lutga grischuna - glarunaisa era tranter 80’000 e 90’000 francs. Per ils 120 lutgaders hai dà per mintg’in in premi cun ina valur minimala da 300 francs.

Blers e bels premis per la festa da lutga a S-chanf.
Legenda: Blers e bels premis per la festa da lutga a S-chanf. RTR, Reto Mayer

Sco ch'i tutga ad ina festa da lutga è stà il prim premi er a S-chanf in taur. Ma er sco ch'i vegn suvens pratitgà, na piglia il victur betg il taur a chasa mabain la valur dal taur en munaida. Uschia er il victur da la lutga da sonda Armon Orlik. Quant che quai è stà, n'ha nagin vuli confermar. Ma igl è vegnì discurrì d'ina summa da radund 4000 francs.

Premis da tut gener

Per la segunda plazza hai dà ina vatga e per la terza plazza in chaval. Ils premis da la quarta plazza fin 120avla plazza eran fitg variads. Da tschitschapulvra, chaschas d’utensils, skis, satgados da viandar, sutgas da lain, generaturs, velos, plumpas euv.

Per ils 120 participants hai dà 140 premis. Ma mintga participant ha survegnì mo in premi. Ils premis che restan van pli probabel a la festa da lutga d’uffants che ha lieu quest atun a Zuoz.