Siglir tar il cuntegn
Inhalt

Lutga Armon Orlik segund sin la Schwägalp

Victur da la lutga sin la Schwägalp 2017 è Daniel Bösch.

Lutga.
Legenda: Ina culissa tut speziala sin la Schwägalp. SRF

Gia la segunda giada suenter il 2015 gudogna il lutgader songagliais Daniel Bösch la festa da lutga sin la Schwägalp. En la lutga finala ha Bösch gudagnà cunter il Bernais Thomas Sempach suenter stgars sis minutas. Per Bösch è quai stà la segunda victoria da la stagiun suenter sia victoria a Son Gagl.

Il Grischun Armon Orlik n’ha quella giada betg cuntanschì la lutga finala. Suenter tschintg lutgas ha el gì tuttina blers puncts sco Thomas Sempach. Damai ch’Orlik ha pers la lutga directa cunter Thomas Sempach, n’ha el betg cuntanschì la lutga finala.

L’onn passà avevan Armon Orlik e Samuel Giger anc gudagnà la festa da la Schwägalp communablamain.

RR novitads 18:00