Fabian Ritzmann, l’attatgader engiadinais dal Club da Hockey da Tavau, ha suttascrit in contract da dus onns tar il SC Berna.
Per el saja quai ina gronda schanza per giugar dapli en la pli auta liga naziunala, ha Fabian Ritzmann ditg envers RTR.
Sia carriera ha Fabian Ritzmann cumenzà tar il Cdh Engiadina. Gia en la vegliadetgna da 14 onns ha il giugader da hockey midà tar l’equipa da U15 dal HCD. A Tavau ha Ritzmann alura fatg tras tut las partiziuns da juniors ed era suttascrit ses emprim contract da profi. Dapi la davosa stagiun dat Fabian Ritzmann, ch'ha 20 onns, regularmain cun l’emprima equipa dal HCD.