Siglir tar il cuntegn

Header

cuntegn

Las Chicas dattan puspè hockey Il cader da las Chicas è stgars

Dapi passa diesch onns dattan las Chicas, l’equipa da las dunnas dal Cdh Engiadina, champiunadi da hockey en liga naziunala C. Durant ils davos onns adina era cun problems da persunal.

L’equipa da las dunnas dal Cdh Engiadina è partida en la nova stagiun. Cun speranza ch'ins possia dar dapli hockey che l’enviern passà. La davosa stagiun han las dunnas pudì giugar mo trais gieus, alura è la stagiun da hockey en liga naziunala C vegnida stritgada. Quest enviern vesa quai ora auter. Per il mument èn las partidas da hockey da las dunnas anc planisadas, ed er ellas pon dar gieus da hockey.

audio
Domenic Bott ed Ariana Duschèn davart la nova stagiun
ord Actualitad dals 28.10.2021.
laschar ir. Durada: 2 minutas 43 Secundas.

Cader da las Chicas è stgars

Er cun in nov trenader èn ils vegls problems restads. Mo radund ina dunsaina dunnas dattan per il mument en il dress da las Chicas. Quai èn dus blocs ed il minimum. Malgrà la situaziun da persunal stretga emprova l’equipa da las dunnas da mussar sin il glatsch bunas prestaziuns e da s’etablir en il camp amez da la tabella. Las davosas stagiuns è quai adina grategià. Per part era l’equipa da las dunnas dal Cdh Engiadina anc meglier vidlonder che l’equipa dals umens en segunda liga. Las dunnas na sa congualan dentant betg cun l’equipa dals umens. Ellas vulan simplamain dar ina pulita stagiun, senza accidents, e speranza cun bunas prestaziuns sportivas. Alura restan ellas en liga naziunala C e forza vegnan vitiers anc ina u l’autra dunna che vul dar hockey en il dress da las Chicas dal Cdh Engiadina.

RTR actualitad 17:00

Artitgels legids il pli savens