Mezfinal dal slopestyle
Bianca Gisler è sa qualifitgada il venderdi per il final da slopestyle dal Laax Open. En ses mezfinal è la snowboardista da 18 onns da Scuol vegnida otgavla. L'autra snowboardista grischuna, Sina Candrian da Flem ha manchentà il final sco 9avla da ses run.
Tar ils umens n'han nagins Svizzers cuntanschì il final. Sco meglier atlet svizzer è Nicolas Huber vegnì 20avel.
Mezfinal halfpipe
Tar la concurrenza da la halfpipe la gievgia han ils dus Svizzers Jan Scherrer e Pat Burgener cuntanschì il final che ha lieu la sonda. Scherrer sco terz da ses heat, Burgener sco quart da l'auter heat.
