video
Basilaschwili fraina il comeback da Federer
Or da Sport-Clip dals 11.03.2021.
laschar ir. Durada: 1 minuta 41 Secundas.
La segunda partida da ses comeback a Doha, è per Roger Federer era stà la davosa. Cunter Nikolos Basilaschwili ch'è il numer 42 dal mund, perda il Svizzer da 39 onns cun 6:3, 1:6 e 5:7.
En l'emprim set ha in break bastà per Federer. Silsuenter n'ha el betg pli chattà in recept cunter l'elan da l'um da la Georgia. En il set decisiv ha il Svizzer lura gì cun in pau cletg ina balla da match, el manchenta dentant da realisar quella. Suenter in'ura e 50 minutas ha Basilaschwili lura decidì la partida.
Sche Roger Federer absolva il turnier a Dubai l'emna che vegn, n'è il mument betg enconuschent.
