En la MySports League ha Arosa gudagnà la partida cunter Bülach cun 4:3 suenter prolungaziun. Ils gols per Arosa han fatg Andrea Brazzola, Luka Carevic e David Rattaggi.
L'EHC Cuira per encunter ha pers la partida ordaifer cunter Seewen cun 1 : 2. Il sulet gol per il club grischun ha fatg Mauro Frehner en il segund terz.
En la tabella è Seewen a la testa cun 19 puncts. Arosa è sin plazza 6, cun duas partidas pli pauc. L'EHC Cuira è sin plazza 9.
Resultats MySports League
En la segunda liga ha il Club da hockey Engiadina pers la partida a chasa cunter Dielsdorf-Niederhasli cun 1:2 suenter sajettar penaltis.