Siglir tar il cuntegn

Header

audio
Andres Ambühl – dapi onns in leader en la naziunala svizra
Or da Actualitad dals 13.05.2022.
abspielen. Laufzeit 4 minutas 9 Sekunden.
cuntegn

Hockey Andres Ambühl avant in campiunadi mundial da records

L’attatgader dal HCD dat en la Finlanda ses 17avel campiunadi mundial da hockey sin glatsch – in record. E fin oz ha Andres Ambühl giugà 115 gieus a campiunadis mundials. I manca uschia anc quatter gieus per egualisar er quest record dal Tudestg Udo Kiessling, ina legenda dals onns 70 ed 80.

Jau hai il cletg che mes corp è constituì uschia ch’jau na stoss betg far bler per restar fit anc en quels onns.
Autur: Andres Ambühl attatgader dal HCD

Auter che Raphael Diaz (36 onns) u Simon Moser (33 onns), resta Andres Ambühl ina part da l’equipa naziunala da hockey che dat a partir da venderdi, ils 13 da matg, il campiunadi mundial a Helsinki e Tampere en la Finlanda. E per l’emprima giada vegn Ambühl a manar l’equipa svizra sin in glatsch sco chapitani, e quai cun 38 onns.

Sustegn per ils giuvens

Tenor il trenader naziunal Patrick Fischer duai Andres Ambühl - ch'è daventà il favrer per la segunda giada bab - surpigliar responsabladad e surtut sustegnair ils giuvens per che quels daventian plaunet giugaders-clav.

La finamira sto adina esser da gudagnar il titel, uschiglio ès en il fallì lieu.
Autur: Andres Ambühl chapitani naziunala svizra

Ses emprim campiunadi mundial ha Andres Ambühl dà l'onn 2004 en la Tschechia. Uss spetga ses 17avel turnier. La finamira saja da turnar a chasa cun il titel ni almain ina medaglia, uschia Ambühl. La davosa giada che la Svizra ha gudagnà ina medaglia, quella d’argient il 2018 a Kopenhagen, mancava Ambühl. Il giugader da record ha pia anc in quint avert.

RTR actualitad 07:00

Artitgels legids il pli savens

Scrollar a sanestra Scrollar a dretga