Siglir tar il cuntegn

Pyeongchang 2018 Trumpada per Andri Ragettli en il slopesyle

Il freeskier da Flem Andri Ragetlli sto sa cuntentar cun plazza 7 en il slopestyle als gieus olimpics. La qualificaziun aveva Ragettli che tutgava tranter ils top-favurits per ina medaglia anc terminà sco segund.

Andri Ragettli è trumpà da ses 7avel plaz.
Legenda: Andri Ragettli valiva sco in dals topfavurits per ina medaglia olimpica. Keystone

L’auter grischun, Elias Ambühl è vegnì 9avel e manchenta uschia in diplom olimpic. Jonas Hunziker 10avel. Nov campiun olimpic en la concurrenza da freeski slopestyle è il Norvegiais Oystein Braaten. Argient è ì a l'American - Nick Goepper, bronz al Canadais Alex Beaulieu-Marchand.

Fabian Bösch n'aveva sco sulet Svizzer betg dumagnà la qualificaziun. Avant paucs dis avevan el ses collega da team Ambühl el anc gì da cumbatter cun il virus da Noro. Il virus ch'è fitg contagius e che grassescha il mument a Pyeongchang. Ils ultims dis avevan els dus perquai trenà isolà dals auters atlets.

RR novitads 07:00