Siglir tar il cuntegn

Pyeongchang 2018 Svizras sco victuras da gruppa en ils quartfinals

La naziunala da las dunnas en il hockey ha gudagnà ses terz gieu da gruppa a Pyeongchang cun 2:1.

Purtret da las dunnas che s'embratschan suenter victoria.
Legenda: Las Svizras han gudagnà lur terz gieu da gruppa ed èn cun quai las victuras da la gruppa. Keystone

Las Svizras han dominà la partida cunter la Svezia. Alina Müller che ha be 19 onns è enfin uss quella che ha sajettà ils pli blers gols. Ella ha sajettà er en questa partida l'emprim gol per la Svizra, suenter 34 minutas. Il 2:1 ha lura sajettà Phoebe Staenz en la 52avla minuta, quatter minutas suenter che las Svedaisas avevan gulivà il gieu. Omadus gols han las Svizzras sajettà en il powerplay.

En ils quartfinals frunta la Svizra proxima sonda sin ils perdents da la partida Team OAR – Finlanda da la gievgia.

RR novitads 07:00