- Rico Peter, Thomas Amrhein, Simon Friedli e Michael Kuonen manchentan il podest per 0,21 secundas.
- Suenter aur en il bob da dus gudogna il Tudestg Francesco Friedrich er aur en il bob da quatter.
- Clemens Bracher vegn 14avel.
Rico Peter ha manchentà sco quart mo per 21 tschientavels ina medaglia en il bob da quatter. Gudagnà la cursa ha il Tudestg Francesco Friedrich. Quai avant ses cumpatriot Nico Walther ed il Sidcorean Won Yun Jong ch’èn ex aequo sin il segund plaz.
Il segund bob svizzer cun Clemens Bracher ha terminà la cursa sin il 14avel plaz.
Il Tudestg Francesco Friedrich gudogna sia segunda medaglia dad aur als gieus olimpics en la Corea dal Sid. Gia en il bob da dus ha el triumfà.
RR novitads 06:00