Sensaziun en la Corea dal Sid: L'equipa enturn il skip John Shuster gudogna il final da curling a Pyeongchang. La Svezia perda cun 7:10 e sto sa dar cuntenta cun argient. Ils Americans valan plitost sco outsiders tar il curling: La suletta medaglia d'Olimpia aveva Pete Fenson gudagnà il 2006 – bronza.
La Svizra è sin il terz plaz da podest. Quai era gia decidì il venderdi, suenter ch'els avevan victorisà il Canada.
Cumenzà schlet, terminà bain
Cumenzà il turnier d'Olimpia avevan ils da Minnesota plitost schlet. Suenter sis gieus da la Round Robin stevan els cun 2:4 curt avant il out. Suenter han els però pudì victorisar tut ils adversaris: Ils Canadais, ils Svizzers ed ils Brits.
RR novitads 11:00