Siglir tar il cuntegn

Header

cuntegn

Pyeongchang 2018 Nevin Galmarini vul ina segunda medaglia olimpica

L’Engiadinais Nevin Galmarini è actualmain il leader da la cuppa mundiala e parta uschia sco in dals gronds favurits. El è il sulet ch’ha gudagnà en questa stagiun almain duas cursas da la cuppa mundiala.

A la fin dals gieus olimpics a Pyeongchang ha la Svizra anc in’ulteriura schanza da gudagnar ina medaglia, quai entras Nevin Galmarini en il slalom gigant parallel da snowboard.

audio
Siara: Nevin Galmarini è pront per sia cursa olimpica
ord Actualitad dals 23.02.2018.
laschar ir. Durada: 1 minuta 44 Secundas.

A chasa penda gia la medaglia d’argient

Gieus olimpics e Galmarini è dal reminent in’istorgia da success. Avant quatter onns a Sotschi era il snowboardist da 31 onns daventà segund ed aveva uschia gudagnà la medaglia d’argient. Gugent turnass Galmarini era da Pyeongchang cun ina medaglia.

Schanzas survegn Nevin Galmarini questa giada be ina. A Pyeongchang è sulet il slalom gigant anc olimpic, betg sco anc avant quatter onns cun il slalom ed il slalom gigant. Il slalom è vegnì stritgà dal program. Per el na saja quai nagin problem, ha Galmarini manegià a la conferenza da medias. Sia disciplina da parada saja uschia ni uschia il slalom gigant.

RR actualitad 17:00

Artitgels legids il pli savens