Siglir tar il cuntegn

Pyeongchang 2018 La partenza da skicross dovra curaschi

Tar las partenza vai gist plirs meters en la profunditad, insatge che skiunzas e skiunzs n’enconuschan betg en questa furma, ha Mike Schmid manegià, el ch’è vegnì il 2010 a Vancouver l’emprim campiun olimpic en questa disciplina e ch’è engaschà oz sco trenader e cussegliader da l’equipa svizra.

Alex Fiva (sanester) ed Armin Niederer.
Legenda: Cun Alex Fiva (sanester) ed Armin Niederer ha il Grischun dus trumpfs da medaglia. Qua en ina cursa en Svezia ils 13 da schaner 2018 (maletg d'archiv). Keystone

En vista a las cursas olimpicas han ils Svizzers trenà e simulà questa partenza en Svizra a Saas Fee ed a Laax. Il skicrosser grischun Armin Niederer è uschia da buna speranza ch’els hajan in avantatg envers la concurrenza.

Quests trenaments en Svizra sajan stads impurtants di la Grischuna Talina Gantenbein che va il venderdi a la partenza. Tar ils emprims trenaments n’haja ella numnadamain betg gì il curaschi da dar in stausch ord la partenza, memia gronds il respect. Er Armin Niederer haja stuì tragutter ina duas giadas avant che siglir ord la boxa da partenza.

Cun Armin Niederer ed oravant tut er Alex Fiva ha il Grischun gist dus trumfs da medaglia en la cursa da skicross dal umens. Tar las dunnas parta Alina Gantenbein sco noviza a gieus olimpics e na vala betg tranter las favuritas.

RR actualitad 17:00