Siglir tar il cuntegn

Pyeongchang 2018 La Norvegia gudogna la staffetta da passlung

Per la quarta giada gudogna la Norvegia la cursa da passlung da staffetta a Pyeongchang. La Svizra fa plaz 7.

Lasvicturas da la Norvegia.
Legenda: La quarta giada gartegia a la Norvegia la victoria. Keystone

Las favuritas da la Norvegia han gudagnà la staffetta da passlung da 4 giadas 5 kilometers. Gia il 1928, il 1984 ed il 2010 avevan las Norvegiaisas prendì plaz sisum il podest tar la cursa da staffetta d'olimpia. Il segund plaz va al vischin, la Norvegia. La Svedaisa Stina Nilsson è arrivada 2 secundas pli tard che Marit Björgen en l'arrivada. E sin il terz plaz è la Russia sa rangada.

Björgen ha uschia survegnì sia settavla medaglia d'aur tar ils gieus olimpics. Nagin ha gudagnà tantas medaglias d'aur sco la passlunghista da 37 onns.

Svizra en top 10

La Svizra è l'emprima giada dapi il 2006 puspè stada represchentada tar la staffetta da passlung da las dunnas da 4 giadas 5 kilometers. Il quartet da Swiss Ski ha dentant fatg ina buna figura ed ha cuntanschì plaz set. Las Svizras han duvrà ina minuta e 51 secundas pli ditg che las victuras.

RR novitads 12:00