Siglir tar il cuntegn

Pyeongchang 2018 Gnanc diplom per ils Svizzers en Super cumbinaziun

L'Austriac, Marcel Hirscher gudogna aur en la cumbinaziun dals gieus olimpics. Aerni è sco meglier Svizzer 11avel.

Luca Aerni durant ses percurs dal slalom.
Legenda: Gia las premissas suenter l'emprim percurs n'èn betg stadas bunas per ils Svizzers. Keystone
  • 1. Marcel Hirscher (AUT) 2:06,52
  • 2. Alexis Pinturault (F) + 0,23 secundas
  • 3. Victor Muffat-Jeandet (F) + 1,02 secundas

L'Austriac Marcel Hirscher ha gudagnà la super cumbinaziun dals umens a Pyeongchang. Per el è quai l'emprima medaglia olimpica. Segund è vegnì il Franzos Alexis Pinturault e terz ses cumpatriot Victor Muffat-Jeandet. Ils Svizzers n'han betg pudì tegnair cun en questa cursa.

Luca Aerni meglier Svizzer

  • 11. Luca Aerni + 3,00 secundas
  • 12. Mauro Caviezel + 3,08 secundas
  • 15. Carlo Janka +3,28 secundas
  • OUT Justin Murisier

Gia in emprim percurs betg gartegià

Suenter la cursa rapida da la cumbinaziun dals umens, ha manà il tudestg Thomas Dressen. Quai cun in avantatg da 7 tschientavels sin il Norvegiais Aksel Svindal. Sin plazza 3 è stà l'Austriac, Matthias Mayer.

Meglier svizzer è stà Mauro Caviezel sco 11avel. Quai cun in retard dad ina secunda e 22 tschientavels. Carlo Janka è suondà sin plazza 14, Luca Aerni sin 25 e Justin Murisier sco 30avel.

RR novitads 06:00