Siglir tar il cuntegn
Inhalt

Pyeongchang 2018 Equipa da hockey perda cunter Canada

Cun 1:5 ha la Svizra pers ses emprim gieu a Pyeongchang cunter il Canada.

Purtret da l'equipa naziunala da hockey als gieus olimpics.
Legenda: L'equipa naziunala da hockey ha pers oz ses emprim gieu da gruppa a Pyeongchang. Keystone

L'equipa naziunala da hockey dals umens n'ha betg gì in bun start a Pyeongchang. En ina partida unilaterala cunter il Canada ha il Team da Patrick Fischer pers cun 1:5.

Gia en la terza minuta han ils Canadais sajettà l'emprim gol. Gnanc 5 minutas pli tard è crudà gia il segund gol. Simon Moser ha tuttina anc pudì scursanir la distanza en l'ultim terz.

En il segund gieu da gruppa frunta la Svizra la sonda sin la Corea dal Sid.

RR novitads 16:00