Cunter il Danemark han ils Svizzers gudagnà cun 9:7. Ils Danais enturn skip Rasmus Stjerne è probablamain l'equipa ch'è la pli greva da valitar. Ils ultims quatter onns èn els duas giadas crudads or da la cuppa europeica, da l'autra vart èn els il 2016 stads en il final dal Campiunadi mundial a Basilea.
Ils Svizzers han pudì notar ils pli impurtants puncts en il quart end, cun ina chasa da trais craps. Ed en il 7avel end cun ina chasa da dus ed in avantatg da trais puncts sin 7:4. Cun in'ulteriura chasa da dus en il 9avel end han els pudì decider il gieu per els.
Sco proxim gioga la Svizra il venderdi cunter il Giapun. La sonda dattan els cunter ils Norvegiais.
RR novitads 10:00