Siglir tar il cuntegn
Inhalt

Pyeongchang 2018 Elisa enstagl da Selina Gasparin

Per la staffetta maschadada dal biatlon hai dà ina midada nunspetgada. Enstagl da Selina Gasparin curra sia sora Elisa.

Elisa Gasparin a dretga e Selina Gasparin a sanestra.
Legenda: Elisa Gasparin (a dretga) curra en la staffetta maschadada enstagl da sia sora Selina. Keystone

Per la squadra svizra da la staffetta da biatlon maschadada als gieus olimpics da Pyeongchang datti ina midada. Enstagl da Selina Gasparin parta sia sora Elisa. La raschun è che Selina è malsegira suenter ses resultats dischillusiunants. Ella dovra bler temp per sajettar ed ha tuttina ina bassa quota da tutgar la noda. En pli na gioga la fermezza da Selina en la loipa betg uschè ina rolla, damai ch'il traject è mo 6 kilometers lung.

La staffetta maschadada da mardi sa cumpona uschia dad Elisa Gasparin, Lena Häcki, Benjamin Weger e Serafin Wiestner. La staffetta maschadada è dapi il 2014 ina disciplina olimpica. Mintgamai duas dunnas ( 2 giadas 6 km) e dus umens (2 giadas 7,5 km) èn in suenter l'auter a la partenza. Sajettà vegn en tut otg giadas.

RR novitads 11:00