Siglir tar il cuntegn

Header

cuntegn

Pyeongchang 2018 Cursa rapida: emprima Taliana sin podest, Lara Gut croda ora

La Taliana Sofia Goggia è la nova campiunessa olimpica en la cursa rapida. Ella ha gudagnà cun nov tschientavels avantatg sin la Norvegiaisa Ragnhild Mowinckel.

L'Americana Lindsey Vonn cumplettescha il podest.

Goggia è insumma l'emprima campiunessa olimpica taliana en la cursa rapida.

Megliera Svizra è Corinne Suter sin plazza 6. Michelle Gisin è vegnida 8avla. Lara Gut e Jasmin Flury èn crudadas ora.

audio
Bunura: Goggia gudogna cursa rapida, Gut croda
ord Actualitad dals 21.02.2018.
laschar ir. Durada: 1 minuta 57 Secundas.

Lara Gut desista da la cumbinaziun alpina

Sin il segund sigl da la cursa rapida ha la skiunza tessinaisa survegnì ina frida en il schanugl sanester. Pervi da quai è ella pli tard lura crudada ora.

L'examinaziun medicinala haja bain mussà che naginas structuras impurtantas sajan vegnidas vulneradas. Tuttina saja ina curta pausa da regeneraziun ussa impurtanta per betg periclitar il rest da la stagiun. Tenor Swiss Ski saja la finamira da Gut dad ir l'emna proxima a la partenza a Crans Montana.

RR novitads 08:00+

Artitgels legids il pli savens