Siglir tar il cuntegn

Pyeongchang 2018 Cursa rapida cun Jasmine Flury e Corinne Suter

Jasmine Flury e Corinne Suter pon ir a la partenza da la cursa rapida olimpica da la mesemna. Quai ha communitgà Swiss Olympic.

Skiunza svizra.
Legenda: La Grischuna Jasmine Flury dumogna la qualificaziun per la cursa rapida olimpica. Keystone

Corinne Suter è daventada tschintgavla en il segund trenament ed ha uschia ademplì il criteri da selecziun da Swiss Ski. La Grischuna Jasmine Flury ha bain manchentà sco 10avla ils top 8 per 21 tschientavels. Dentant è ella sa rangada meglier che Joana Hählen ch'è vegnida 18avla. In plaz da partenza fix han Lara Gut e Michelle Gisin.

La pli sperta en il segund trenament per la cursa rapida è stada l'Austriaca Stephanie Venier. Quai cun in avantatg da 0,08 secundas sin la Taliana Sofia Goggia. Terza è l'Americana Lindsey Vonn cun in retard da 0,35 secundas.

Las ulteriuras Svizras:

  • 7. Michelle Gisin +1,00
  • 10. Jasmine Flury +1,48
  • 13. Lara Gut +1,60
  • 18. Joana Hählen +1,86
  • 32. Wendy Holdener +3,70
  • 41. Denise Feierabend +5,35

La cursa rapida è mesemna.

RR novitads 06:00