Suenter ch'els han il venderdi pudì egualisar lur bilantscha sin in 2:2, cuntanschan ils giugaders da curling svizzer perfin ina bilantscha positiva suenter lur 5avel gieu. L'equipa enturn il skip Peter de Cruz ha victorisà ils Norvegiais cun in 7:5.
Il gieu encunter l'anteriur campiunadi mundial è stà in gieu cun auts e bass per tuttas dus equipas. La fin han però Valentin Tanner, Peter de Cruz, Claudio Pätz e Benoît Schwarz decidì il gieu ed uschia pudì batter l'equipa adversaria che gioga dapi il 2007 en la medema furmaziun.
Pli simpel na vegni betg
La notg sin dumengia (temp svizzer) spetga lura il gieu il pli pretensiuns sin ils da Genevra: Il gieu encunter il Canada. Ils Canadais han pers il gieu cunter la Svezia, tuttina è l'equipa canadaisa il candidat numer in per gudagnar ils gieus olimpics.
RR novitads 09:00