Siglir tar il cuntegn

Pyeongchang 2018 Carlo Janka terminescha stagiun

Per il super-G dals umens n'è Janka betg sa qualifitgà. Ed er per il rest da questa stagiun na parta Janka betg pli.

Purtret da Carlo Janka
Legenda: Per Carlo Janka èn ils gieus olimpics gia passads. Keystone

Carlo Janka na parta betg al super-G dals umens als gieus olimpics. Via las medias socialas ha il skiunz da 31 onns fatg enconuschent che la cursa da la cumbinaziun saja stada sia suletta a Pyeongchang. Là è el vegnì 15avel.

Janka ha pudì viagiar en la Corea dal Sid, malgrà ses lioms cruschads ruts e senza resultats en la Cuppa mundiala. Per la Svizra partan al super-G Beat Feuz, Mauro Caviezel, Thomas Tumler e Gilles Roulin. La cursa è planisada per venderdi.

RR novitads 06:00