Siglir tar il cuntegn

Pyeongchang 2018 Big Air: Diplom per Sina Candrian

Da la concurrenza da Big Air als gieus olimpics a Pyeongchang, è la snowboardista da Flem Sina Candrian vegnida 5avla ed ha uschia gudagnà in diplom olimpic. La medaglia d'aur va ad Anna Gasser da l'Austria.

Buna prestaziun da Sina Candrian da Flem.
Legenda: Buna prestaziun da Sina Candrian da Flem. Keystone
  • Aur va ad Anna Gasser da l'Austria
  • Argient va a Jamie Anderson dals Stadis Unids
  • Bronz va a Zoi Sadowski-Synnott da la Nova Zelanda

Diplom olimpic per Sina Candrian

La snowboardista da Flem Sina Candrian ha manchentà ina medaglia en la concurrenza da Big Air. Candrian è vegnida 5avla e gudogna uschia in diplom olimpic. Per la medaglia da bronz han la finala 17 puncts mancà.

L'emprim sigl n'è betg gartegià a Sina Candrian. Tar la segunda e la terza prova ha la grischuna da 29 onns mussà ina buna prestaziun: cun 140,25 puncts ha ella la fin finala cuntanschì il bun 5avel rang.

RR novitads 06:00