Siglir tar il cuntegn
Inhalt

Pyeongchang 2018 Biatlon: Aur per Öberg – Diplom per Elisa Gasparin

En la cursa sur 15 kilometers gudogna la Svedaisa Hanna Öberg surprendentamain la medaglia d'aur. Meglra Svizra è Elisa Gasparin sin l'otgavel plaz.

Biatleta grischuna.
Legenda: Elisa Gasparin sin via ad in diplom a Pyeongchang. Keystone

Elisa Gasparin ha danovamain gudagnà in diplom olimpic. En la cursa da biatlon sur 15 km è l'Engiadinaisa vegnida otgavla suenter be in sbagl da sajettar. Avant quatter onns ha ella gudagnà in diplom a Sotschi en il sprint. Las autras Svizra n'èn betg vegnidas tranter las meglras 30.

Aur per la Svezia

La medaglia d'aur va surprendentamain a la Svedaisa Hanna Öberg, argient gudogna la Slovaca Anastasiya Kuzmina. La gronda favurita Laura Dahlmeier da la Germania è vegnida terza.

RR novitads 11:00