La mamma da dus uffants Anastasiya Kuzmina ha dominà la cursa da biatlon cun partenza da massa. Sur ils 12,5 kilometers ha ella cuntanschì in avantatg da temp da 18,8 secundas tar sia concurrenta da la Bielorussia Daria Domratschewa. La medaglia da bronz ha Tiril Eckhhoff segirà per la Norvegia.
Per Kuzmina èsi gia la terza medaglia d'aur tar ils gieus olimpics. A Pyeongchang è sia prestaziun tar la persecuziun vegnida remunerada cun argient ed ses singul cun aur.
Las Svizras n'han gì naginas schanzas
Las Svizras n'han gì nagina schanza da sa plaz da diplom. Cun il 23 plaz è Lena Häcki stada la meglra dal trio da Swiss Ski. Elisa Gasparin è sco 27avla sa plazzada gist avant Irene Cadurisch.
En las emprimas duas cursas en la Corea dal Sid aveva mintgamai ina Svizra occupà il otgavel plaz ed uschia gudagnà in diplom olimpic per la Svizra.
RR novitads 13:00