Siglir tar il cuntegn

Pyeongchang 2018 Aur per Dario Cologna sur 15 km

Il Jauer da 31 onns è per la terza giada en seria campiun olimpic sur 15 km en stil liber. Quai è in nov record. Cologna è currì davent da l'entschatta cun in aut tempo e manava tar mintga temp intermediar cleramain.

Legende: Video Intervista cun Dario Cologna abspielen. Laufzeit 1:11 Minuten.
Or da RTR dals 16.02.2018.
  • Cologna gudogna a moda suverana l'emprima medaglia dad aur per la Svizra a Pyeongchang.
  • Per la terza giada sur 15 km en stil liber e per la quarta giada insumma gudogna Dario Cologna aur a gieus olimpics.
  • Roman Furger (+1:12,4) mussa ina ferma prestaziun e vegn 12avel. Toni Livers terminescha la cursa sco 34avel.

Dario Cologna gudogna l'emprima medaglia dad aur per la Svizra als gieus olimpics en la Corea dal Sid. Suenter ils gieus olimpics a Vancouver e Sotschi gudogna il favurit e defensur dal titel cun in avantatg da 18,3 secundas sin il Norvegiais Simen Hegstad Krüger e 23 secundas avant il terz, il Russ Denis Spitsov. Roman Furger è vegnì 12avel e Toni Livers è vegnì 34avel.

Cologna sco Ammann

Grazia a questa victoria è Dario Cologna uss l'olimpionic svizzer cun il pli grond success. Quai ensemen cun Simon Ammann. Omadus han gudagnà mintgamai quatter medaglias d'aur a gieus olimpics d'enviern.

Ils Jauers èn loschs

Ed il success vegn festivà. Suenter la saira sontga sa rimnan ils fans da Dario Cologna per festivar. Els èn fitg loschs sin il success sportiv Jauer.

RR novitads 08:30