Siglir tar il cuntegn

Header

cuntegn

Festa a Tokyo Ils paralimpics cumenzan

A Tokio èn vegnids averts mardi ils gieus paralimpics da stad. A partir da mesemna sa mesiran var 4’400 atletas ed atlets en differentas disciplinas. Pervi da corona han era questas cumpetiziuns lieu senza public.
La Svizra è da la partida cun ina delegaziun da 21 atletas ed atlets. Tranter quels è era Heinz Frei. El è gia la novavla giada da la partida ed ha gudagnà fin uss 15 medaglias d'aur.

stadion cun fieu artifizial la notg
Legenda: Keystone

«Nus avain alas»

Il motto dals gieus paralimpics da quest onn duess dar speranza e curaschi, uschia Andrew Parson, il president dal Comité paralimpic internaziunal. La festa d'avertura ha gì lieu senza public, dentant cun l'imperatur giapunais Nahurito ed il president dal Comité olimpic internaziunal Thomas Bach.

2'700 atlets ed 1'700 atletas cumpetan davent da mesemna per 540 sets da medaglias en 22 disciplinas.
Roger Getzmann, Chef de Mission, spetga sis medaglias svizras.

Nora Meister vegn en acziun sco emprima atleta svizra ils 25 d'avust. Ella noda ils 50 meters crawl. Silvio Keller entschaiva il medem di cun pingpong.

Silvio Keller dat pingpong
Legenda: Silvio Keller Keystone

RTR Novitads 17:00

Artitgels legids il pli savens