Siglir tar il cuntegn

Header

cuntegn

Euro 2020 La Svizra è definitiv en l'8avel final da l'Euro

Tut è ì per la Svizra questa saira. L'Austria ha gudagnà cunter l'Ucraina cun 1:0. Il Danemarc ha battì la Russia cun 4:1 e la Belgia ha gudagnà cunter la Finnlanda cun 2:0.

La Svizra è definitiv en l'otgavel final da l'Euro 2020. Cunquai che la Finlanda e l'Ucraina han sco terzs da lur gruppas 3 puncts è la Svizra cun ses 4 puncts segir in dals 4 megliers terzs en la runda da k.o.. Questa tschertezza haja legrà fitg l'entira squadra, ha ditg il directur da l'equipa naziunala Svizra da ballape, Pierluigi Tami:

video
Tami: «Nus avain cuntanschì l'emprima finamira»
Or da Sport-Clip dals 21.06.2021.
laschar ir. Durada: 6 minutas 45 Secundas.

Ils Danais èn cun mo 3 puncts sin plaz 2 da la gruppa B ed èn qualifitgads direct per l'otgavel final da l'Euro. En la gruppa B è la Belgia a la testa da la tabella cun 9 puncts.

Austria per emprima giada qualifitgà

Per l'emprima giada en ina runda da k.o d'in campiunadi europeic è er l'Austria, entant che la Russia è gia crudada ora dal turnier cun 3 puncts ed ina mendra differenza da gols che la Finnlanda.

En la segunda partida dal glindesdi saira en la gruppa C n'èsi ì per nagut pli. L'Ollanda ha gudagnà cunter la Macedonia dal Nord cun 3:0. L'Ollanda era gia qualifitgada, la Macedonia dal Nord era gia crudada ora.

RTR novitads 20:00

Artitgels legids il pli savens