Il campiunadi europeic da ballape ha cumenzà cun il gieu da la gruppa A, Italia cunter la Tirchia. La Squadra Azzurra ha gudagnà cleramain cun 3:0. L'equipa taliana ha duvrà pazienza, fin ch'ella ha pudì festivar l'emprim gol. Malgrà che l'Italia ha dominà, ha il Tirc Demiral avert il score en la 53avla minuta cun in autogol. En la 66avla ha Immobile sajettà il 2:0 ed en la 79avla minuta ha Insigne tutgà al resultat final. En l'entir gieu ha l'Italia sajettà otg giadas sin il gol, la Tirchia gnanc ina giada.
En la medema gruppa dat damaun la Svizra cunter la Valisa.