Siglir tar il cuntegn

Header

cuntegn

EURO 2020 Engalterra e Croazia gudognan

L'Engalterra ha gudagnà cunter la Tschechia cun 1:0 e la Croazia ha gudagnà cunter la Scozia cun 3:1.

Engalterra gudogna fasa da gruppa

En l'ultima partida da l'emprima runda ha l'Engalterra segirà la victoria da la gruppa D. Cunter la Tschechia han ils Englais gudagnà cun 1:0. Gia avant eri cler che omaduas equipas èn ina runda vinavant. Il sulet gol ha Raheem Sterling fatg en la 12avla minuta.

En l'otgavel final frunta l'Engalterra sin il segund da la gruppa F, en quella che la Frantscha, la Germania ed il Portugal èn.

Er Croazia vinavant

Grazia a la victoria da 3:1 cunter la Scozia sa qualifitgescha la Croazia per la proxima runda. Il finalist dal 2018 terminescha cun quai la fasa da gruppa sin il segund plaz da la gruppa D.

Ils Croats sa mesiran en l'otgavelfinal cunter il segund da la gruppa E.

Adversari da Svizra anc betg enconuschent

Cunter tgi che la naziunala svizra sto dar en l'otgavel final vegn pir ora mesemna saira. La Svizra frunta là sin il victur da la gruppa F. Cunquai frunta la Svizra en la runda da K.o. u sin il defensur dal titel Portugal, sin il campiun mundial Frantscha u sin la Germania. Er cura che la Svizra dat è cunquai enconuschent: Glindesdi saira cumbatta la Svizra a Bukarest per il ticket per il quartfinal.

RTR novitads 23:00.

Artitgels legids il pli savens