Siglir tar il cuntegn

Header

cuntegn

Enavos tar il FCZ Seraina Friedli turna enavos tar Turitg

La golia da l'Engiadina mida dal FC Aarau tar il FC Turitg. Ella ha suttascrit in contract sur quatter onns sco il club ha communitgà.

La golia naziunala da La Punt-Chamues-ch ha ina ferma colliaziun cun il club da Turitg. Gia dal 2012 fin il 2018 ha Seraina Friedli dà bal tar las Turitgaisas. Suenter ha ella anc dà per ils Young Boys, per Florentina San Gimignano en l'Italia e l'ultima stagiun tar Aarau.

Cumenzà sia carriera ha l'Engiadinaisa tar ils Lusitanos da Samedan, plinavant è ella er anc stada activa tar Tusaun/Cazas avant ch'ella ha fatg il pass tar Turitg.

Temp da success tar Turitg

Tar il FCZ ha la golia da 29 onns festivà ses pli gronds success. Tschintg giadas è ella vegnida campiunessa svizra cun il club e quatter giadas ha ella gudagnà la cuppa svizra.

Actualmain è Seraina Friedli en l'Engalterra, nua ch'ella è part dal cader svizzer che dat il campiunadi d'europa. L'Euro cumenza ils 6 da fanadur e cuzza fin la fin dal mais.

audio
Per tadlar curt e cumpact
ord RTR Audio dals 04.07.2022.
laschar ir. Durada: 5 minutas 44 Secundas.

RTR novitads 17:00

Artitgels legids il pli savens

Scrollar a sanestra Scrollar a dretga