Siglir tar il cuntegn

Header

video
Nino Schurter: «Quai n'è betg stà ina simpla stagiun»
Or da Sport-Clip dals 05.09.2021.
laschar ir. Durada: 57 Secundas.
cuntegn

Cuppa mundiala MTB a Lai Schurter e Flückiger manchentan victoria da chasa

Nino Schurter ha manchentà be per pauc sia 33avla victoria en la cuppa mundiala dal mountainbike ed uschia dad egualisar il record dal Franzos Julien Absalon. Il campiun mundial è vegnì segund a sia cursa da chasa a Lai, quai davos il Franzos Victor Koretzky ch'ha procurà per la decisiun avant radund 9'000 fans pir sin il davos kilometer.

video
Nino Schurter surpassa puspè Mathias Flückiger curt avant la fin
Or da Sport-Clip dals 05.09.2021.
laschar ir. Durada: 1 minuta 7 Secundas.

A Schurter han mancà duas secundas per triumfar a Lai. Cumplettà il podest sco terz ha Mathias Flückiger, in ulteriur Svizzer. Grazia a quest resultat è il Bernais sin buna via da gudagnar il classament general da la cuppa mundiala en questa stagiun. En duas emnas a la davosa cursa da la cuppa mundiala a Snowshoe en ils Stadis Unids survegn Flückiger la schanza da far tut cler.

audio
Nino Schurter: «Il public gida fitg cun animar ins»
ord Actualitad dals 06.09.2021.
laschar ir. Durada: 2 minutas 25 Secundas.

Ina buna prestaziun ha er mussà Vital Albin. Il giuven da Tersnaus è vegnì 25avel. Andrin Beeli da Sagogn ha terminà sia carriera da cross country cun in 62avel plaz a Lai. Ursin Spescha da Sevgein è vegnì 82avel.

audio
Vital Albin ed Andrin Beeli suenter la cursa a Lai
ord Actualitad dals 06.09.2021.
laschar ir. Durada: 1 minuta 45 Secundas.
video
È il manever da Schurter stà correct, Mathias Flückiger?
Or da Sport-Clip dals 05.09.2021.
laschar ir. Durada: 14 Secundas.

RTR novitads 17:00

Artitgels legids il pli savens